کنویں میں گرنے سے کمسن بچے کی موت

ناندیڑ: ۱۷؍دسمبر (اعتماد نیوز)قندہار تعلقہ میں کنویں میں گرنے سے ایک کمسن بچے کی موت ہوگئی ہے ۔تفصیلات کے مطابق قندہار تعلقہ کے کوٹھا گاؤں کے رہنے والے مادھو راؤ بوچے گاوے کا ۸؍سالہ لڑکا گنیش یہ دوپہر کے وقت



گاؤں میں موجود ایک کنویں میں گرپڑا ۔ پانی میں ڈوب جانے سے اس کی موت ہوگئی ۔ کنویں میں اس کی نعش برآمد ہونے پر پولس کو اس کی اطلاع دی گئی تھی ۔ مادھو راؤ کی شکایت پر قندہار پولس اسٹیشن میں حادثاتی موت کا مقدمہ درج کیا گیا ہے ۔